அன்பு

கடல் அலை

கடல் அலைகளை கால்களில் வாங்கிய வேளைகளிலும்,
ஓடும் ரயிலில் வாங்கிய ஈரக் காற்றிலும்,
உன் ஞாபகத்தை அசை போடாமல் இருந்ததில்லை…!

---

நடை பாதை

நானாகத் திரிந்த குறிக்கோளற்ற நடை பாதைகளில்…
நல்லவளே உன்னை பற்றி எண்ணி நடந்ததே அதிகம்….!

---

கவிதையும், காதலியும்

கவிதை போல காதலியும்…
காதலி போல கவிதையும்… மிகவும் அரிது…!
இரண்டுமே கிடைத்தது…! வாழ்க்கை போராட்டத்தில்
எஞ்சி இருப்பது என்னவோ கவிதை மட்டுமே…!

---

இழப்பு

இழப்புகளினால் இன்பமடைகிறேன் நான்,
என்னை உன்னிடம் இழப்பதினால்…!

---

நிலை இல்லாக் கண்ணாடி

நிலை இல்லாமல் ஆடுகின்ற கண்ணாடிகளை பார்க்கும் தருணங்களில்
என் முக ஓரத்தில் எஞ்சி இருக்கும் உன் முகத்தையும் அவ்வப்போது பார்க்க நேரிடும்…!

---

சருகு

சருகாய் நான் காத்துக் கொண்டிருக்கிறேன்…!
உன் பாதங்களை தாங்க.., பயப்படாதே..!
எங்காவது, ஒரு பூ விழுந்து சருகு உடைந்து இருக்கிறதா?

---

Cell Phone

விடியல் அற்ற நீண்ட இரவுகளில்,
தூக்கமில்லா நேரங்களில்,
தலையணைக்கும், போர்வைக்குமான பயணத்தில்,
அடிக்கடி Cell Phone எடுத்து பார்ப்பதுண்டு,
அவ்வொளியில் பிரகாசித்து நீ புன்னகைப்பாய்.

---

இலக்கணம்

சில இடங்களில் நான் இலக்கண விதிகளை மீறுவதுண்டு….!
படர்க்கையில் உள்ள உன்னை,
முன்னிலைப் படுத்திப் பேசுவதும் உண்டு…!

---

நொடிக்கு இரு முறை

நான் நொடிக்கு இரு முறை
உன்னை திரும்பிப் பார்த்துக்கொண்டே செல்கிறேன்…!

நீ திரும்பவே இல்லை,
கடைசியாய், நீ வளைந்து செல்வதற்கு முன்னதாய்,
திரும்பி என்னைப் பார்த்து சிரிக்கிறாய்.

மனம் என்றும் உணர்ந்திடாத
ஒரு நிம்மதியை அடைந்து இருந்தது…!

---

Previous Page

Next Page